Сенат депутаты елорда жастарымен кездесті

«Елдің жоғары оқу орындары мен колледждерінде бір миллионнан астам студент білім алып жатыр. Жастар - ел болашағы. Келешекте өндірісті де, мемлекеттік қызметті де осы жастар басқарады. Жаңа жұмыс орындарын ашады. Сондықтан тәрбие жұмысы оқу орындарында тиісті деңгейде ұдайы жүргізілуі керек» дейді депутат Ақылбек Күрішбаев.

«Өкінішке қарай жекеменшік оқу орындары студенттерге тәрбиеленуші тұлға емес, ақшаның көзі ретінде қарайды. Осы төңіректе орасан өзгерістер керек. Жастарды тәрбиелеу бұл маңызды мәселе» деген Cенат депутаты, диалог алаңында жастардың көкейінде жүрген сұрақтарға жауап берді. Президент Жолдауының маңызын кеңірек түсінідіріп, олардың ойын тыңдады.

Бақыт Ұланбек, Елордалық жастар мәслихатының депутаты:
Жастар Жолдаудың қандай маңызды екенін түсініп, ойын айтуда. Президентімізді соңғы кезде айтқаны техникалық білімге баса назар аудару. Бұл жастарымызға өте үлкен мүмкіндік береді.