ЕуроОдақ өз құрамына Украинаны шұғыл түрде қабылдауға қатысты ортақ мәмілеге келген жоқ

Еуропа елдерінің лидерлері Украинаны Еуроодаққа жеделдетілген рәсіммен мүшелікке алуға қатысты ортақ келісімге келе алмады. Бұл мәселе Еуропалық Одақтың бейресми саммитінде 9 сағат бойы талқыға салынған. Жиыннан кейін жарияланған құжатта «ЕуроОдақ Киевпен әріптестікті нығайтуды жалғастырады. Ал, Украинаның одаққа мүше болуға қатысты өтінімі бойынша шешім қабылдау ұзаққа созылатыны» туралы айтылған. Айта кетсек, бұған дейін Ресеймен арада әскери қақтығыс басталғаннан кейін Украина ЕуроОдаққа шұғыл түрде мүше болуға өтінім берген еді.

Арай Төлегенқызы