Солтүстік Қазақстанда жыл басынан бері 50 адам жоғалды

Жыл басынан бері Солтүстік Қазақстан полициясына 50 адамның жоғалғаны туралы арыз түскен. Тәртіп сақшылары 47 тұрғынның қайда екенін анықтады. Мамандардың жедел әрекет етуінің арқасында жоғалған адамдардың басым бөлігі бір тәулік ішінде табылған. Полицейлердің айтуынша, көбіне мектеп оқушылары мен егде жастағы азаматтар жоғалады. Жасөспірімдердің үйінен кетіп қалуына ата-аналарымен тіл табыса алмауы себеп болса, қалалық жерде тұратын зейнеткерлер жиі адасып кетеді екен.

Эльмира Кәленова