Қаңтар оқиғасы: 41 қылмыстық іс бойынша сот үкімі шықты

Қаңтарда болған жаппай тәртіпсіздік кезінде дүкендер мен басқа да нысандарды тонауға қатысты 41 қылмыстық іс бойынша сот үкімі шықты. Бұл туралы Алматы қалалық сотының баспасөз қызметі хабарлады. Сотталғандардың кейбіреулері шығынды ақшалай өтесе, кейбіреулері тонаған заттарын қайтарған. Кінәсі дәлелденгендердің басым бөлігі 2 жылдан 4 жылға дейін бас бостандығынан айырылды. Тонау және террористік дерекке қатысты тағы 41 іс қаралып жатыр.

Абай Жарылқасын, Алматы қалалық сотының баспасөз хатшысы: 

Алматы қаласының соттарына 82 қылмыстық іс түсті. ҚР ҚК 188 бабына сәйкес ол ұрлық бабы. Соттар осы азаматтарға олардың кінәлерін мойындап, жасаған әрекеттеріне өкініп, келтірілген материалдық залалды өндіргенін ескері, оларға бас бостандығын шектеу жазасын тағайындап жатыр. Көбінесе 2 жылдан 4 жылға дейінгі бас бостандығын шектеу жазасы тағайындалып жатыр.