Ресейде азық-түлік бағасы 30-40 пайызға қымбаттады

Ал ресейліктер санкцияның салқынын сезіп жатыр. Көрші елде азық-түлік бағасы 30-40 пайызға қымбаттады. Ал дүкендерде банк карталарымен төлем жасау қиындап кетті. Мәскеудегі тілшіміз Индира Бегайдар бізбен байланыста. 

Индира Бегайдар, тілші:

Санкциялардың кесірінен инфляция 7 пайыздан асты. Кеше ғана 75 рубль болған доллар, бүгінде 128-130 дан сатылып жатыр. Ресейге компьютерлер мен бағдарламалық жасақтау экспортына тыйым салынғандықтан, техникаға сұраныс күрт өстіп кетті. Автокөліктердің де бағасы 20-30% ға қымбаттады. 

Александр Соколов, сарапшы:

Жүйе өзгерді, барлық жоспарлар бұзылды. Бірақ бұл өндіріс тоқтайды деген сөз емес, тек уақыт керек. Санкциялардың салдары ешкімге оңай тимейтіні түсінікті. Кәсіпкерлердің 50-60 пайызы зардап шегеді, банкротқа ұшырайды. Жағдайды бірнеше тұрақтандыру үшін бірнеше ай жұмыс істеу керек. 

Ресейліктер есеп-шоттарынан 1.4 трлн рубль шешіп алған. VISA және Mastercard төлем жүйелерінің картасымен байланыссыз төлем жасау енді мүмкін емес. Бірнеше банк несие рәсімдеуге өтінімдерді қабылдауды тоқтатты. Ал Мәскеуде азық-түлік таусылуға жақын. Сондықтан енді дүкендерде ұн, қант сияқты әлеуметтік маңызы бар тауарларды сатуға шектеулер енгізілді. Яғни бір адамға бес келіден артық сатылмайды.

Индира Бегайдар