Жаңалықтарды Telegram арнамыздан оқыңыз!Ресей рублі бүгін тарихи минимумға дейін құлдырап, доллар мен еуроға қатысты құнының 30 пайызын жоғалтқан. АҚШ доллары 113, ал еуро 127 рубльге дейін қымбаттады. Ресей Орталық банкі болса, базалық мөлшерлемені 20 пайызға дейін көтерді.
Мұндай өзгерістерге Ресейдің Украинадағы әрекетіне қарсы енгізілген санкциялар ықпал етіп отыр. ЕуроОдақ Ресей Орталық банкінің активтерін бұғаттау туралы шешім қабылдап, оны рубль бағамына ықпал ету мүмкіндігінен айырды. Бұған қоса, Ресейдің бірнеше банкін SWIFT халықаралық төлем жүйесінен ажырату туралы шешім қабылданғаны белгілі.
Арай Төлегенқызы
