«Сахнадан сәлем» II Халықаралық театрлар фестивалі өтуде

«Сахнадан сәлем». Осындай атпен Астанада әлем театрларының жәрмеңкесі өтіп жатыр. Фестиваль кезінде шетелдік һәм отандық театрлар өздерінің ең үздік  қойылымдарын көрермен назарына ұсынады.

Аталмыш шараға Түркия, Ресей, Астана, Алматы, Көкшетау, Ақтау, Павлодар, Қостанай, Жезқазғанның өнер ордалары қатысуда. Дүниенің түкпір-түкпірінен «мен» деген театрларды шақырудағы мақсат – тәжірибе алмасу. Олардың озық дегенін алу, өзіміздің ерекше тұсымызды паш ету.

Ғани Құлжанов, актер:

Бұл іс-шараның театрдан бұрын, халыққа пайдасы көп. Неге десеңіз, көп жұрт облыстық театрлармен танысады. Басқа да елдердің театрын көреді.