Қазақстандық екпе туралы мақала британдық журналға шықты

Елдегі эпидахуал тұрақталып келеді. Өткен тәулікте 566 адам вирус жұқтырған. Ковидке шалдыққандар, әсіресе Алматы қаласында көп тіркелді. Ал Түркістан облысында 1 адамның індет жұқтырғаны анықталды. Елде коронавирусқа қарсы вакцинаның 2 компонентін барлығы 8 951 617 адам алған.

Сондай-ақ жақында қазақстандық Naruvax-C19 екпесі туралы мақала британдық «Nature» ғылыми журналына шықты. Мақала 5 ай бойы зерттеу жұмыстары барысында жазылып, екпенің иммуногендік тиімділігі жоғары екені дәлелденген. Отандық ғалымдар вирусқа қарсы төтеп бере алатын технологияны патенттеді.

Айта кетейік, Naruvax-C19 Дүниежүзілік Денсаулық сақтау ұйымының тізіміне COVID-19-ға қарсы үміткер вакцина ретінде енгізілген.