Батыс Қазақстанда 12 адам қар құрсауынан құтқарылды

Батыс Қазақстан облысында қар құрсауынан 12 адам құтқарылды. Боранды күні Шыңғырлау ауданы Ақтау ауылы маңында үш көлік жолда тұрып қалған. Оларды құтқарушылар мен шаруа қожалығының жұмысшылары барып, шығарып алды. Жолаушылар Шыңғырлау ауылындағы жылыту пунктіне жеткізілді. Құтқарылған 12 адамның жетеуі – бала. Өңірде кеше жел тұрып, боран соқса, бүгін күн жылынып, көктайғақ болады деп болжанып отыр. 

 А.Мұратқызы