Жаңалықтарды Telegram арнамыздан оқыңыз!Қаңтардағы бүлік кезінде Ақтөбеде түсірілген тың бейнелер жария болды. Онда облыстық әкімдікке қарай бет алған шерушілердің полицияға күш көрсетіп, темір қоршауларын жұлқылағанын көруге болады. Бүлікшілер халықтың тыныштығын бұзып, қаланың қақ ортасында от жаққан. Қолдарына алған темір-терсектерімен әкімдіктің терезесін сындырып, ғимаратқа баса көктеп кіруге тырысқан. Кей видеоларда бәз біреулер мінген автокөлікпен полиция қызметкерлерін соғып өткен. Өрт сөндіру қызметкерлерін соққыға жыққан. Сондай-ақ, Алматыда қаңтардағы оқиғалар кезінде Қорғаныс министрлігінің 130 курсанты жарақат алғаны анықталды.
