Жаңалықтарды Telegram арнамыздан оқыңыз!COVID-19 вирусы әлем бойынша әлі де қарқын алып жатыр. Оның зардабы ондаған жылдарға дейін сезілуі мүмкін. Дүниежүзілік денсаулық сақтау ұйымының басшысы Тедрос Адханом Гебрейесус осылай деп мәлімдеді. Айтуынша, коронавирус әлем елдерінде экономикалық, әлеуметтік және медициналық теңсіздікті тереңдете түседі. Пандемия неғұрлым ұзақ болса, оның салдары да соғұрлым ауыр болмақ. Одан әсіресе халықтың әлеуметтік осал топтары зардап шегеді. Халықаралық ұйым әлем елдерін вакциналау қарқынын арттыруға шақырды. Жыл ортасына қарай тұрғындардың 70 пайызы иммундалуы қажет екендігін айтып, бұл істе белсенді болуға үндеді.
Арай Төлегенқызы
