Жаңалықтарды Telegram арнамыздан оқыңыз!Алматыда көктайғақтан жол-көлік оқиғалары күрт көбейді. 10 адам түрлі жарақат алған. Полиция департаменті тұрғындарды жолда сақ болуға шақырып отыр.
Қуан Нұрақын, тілші:
Бүгін таңғы алтыдан Алматыда 25 жол-көлік оқиғасы тіркелді. Полиция департаментінің мәліметінше, Әл-Фараби даңғылының Жароков және Сейфуллин көшелерімен қиылысқан тұсында 10 шақты темір тұлпар соқтығысқан. 10 адам түрлі жарақат алды. Дәрігерлер қазір олардың жағдайы қалыпты дейді. Ауыр жарақат алғандар жоқ. Кешелі бері еріп жауған қардың кесірінен түнде көктайғақ болып, көлік қозғалысына қиындық тудырды. Оған қоса қалың тұман түсіп, айналаны көру мүмкіндігі де шектелді. Тәртіп сақшылары ауа райының құбылуына байланысты жүргізушілерге арақашықтықты сақтап, жолда абай болуға шақырып отыр. Казгидрометтің хабарлауынша, осы аптада күн құбылмалы, ауа райы тұрақсыз болады.
