Семейде әскери техниканы айдап кеткен күдікті ұсталды

Семейдегі тәртіпсіздік кезінде әскерилерге тиеслі арнайы «Тигр» автокөлігін айдап кеткен бұзақы ұсталды. Ол қалалық әкімшілік ғимаратына шабуыл жасамақ болған деген күдікке ілініп отыр. Бұл туралы Ішкі істер министрлігі Тергеу департаментінің өкілдері мәлімдеді. Күдіктінің кінәсі оның ұялы телефонындағы бейнежазба арқылы дәлелденіп отыр. Бұзақы сот санкциясымен қамауға алынды. Қазір уақытша ұстау изоляторында отыр.