Пентагон: Ресей соғыс бастау үшін жалған видео таратпақ

«Ресей Украинаға басып кіруге сылтау ретінде жалған видео әзірлеп жатыр». Мұны Пентагон мәлімдеді деп хабарлайды АҚШ қорғаныс министрлігінің баспасөз хатшысы Джон Кирби. Оның сөзінше, мұндай роликтерде мәйіттер мен актерлар, қайғырған адамдар мен қираған нысандар көрсетілмек. Пропагандалық материалдың тарайтынын Ұлыбритания сыртқы істер министрлігі де ескертіп отыр.

Бірлескен әскери жаттығу басталды

Ал Ресей қарулы күштері Беларусь жерінде ауқымды әскери жаттығуды бастады. Мәскеу бұл елге 30 мыңдай жауынгер, ал Украина маңына 100 мыңнан астам сарбаз бен техника шоғырландырып, Батыстың үлкен сынына ұшырап отыр. Дегенмен Кремльге сенсек, Ресей армиясы Украинаға басып кіруге әзірленіп жатқан жоқ.