Түрік әуе күштері күрдтердің бекіністеріне соққы берді

Түркияның әскери ұшақтары күрд жасақтарының Ирак пен Сириядағы бекіністеріне соққы берді. Әуе шабуылы кезінде жаттығу лагерлері, қару-жарақ қоймаларына оқ жаудырылған. Түркия қорғаныс министрілігінің мәліметінше, операция сәтті өтіп, көптеген содырдың көзі жойылды.

Айта кетсек, Түркия ұзақ уақыттан бері Ирак пен Сириядағы Күрдістан жұмысшы партиясы мен күрдтердің Халықтық өзін-өзі қорғау отрядтары жасақтарына қарсы әскери науқан жүргізіп келеді. Түркия оларды лаңкестік топтар деп санайды.