Жаңалықтарды Telegram арнамыздан оқыңыз!Англияда медицина қызметкерлері алдағы екі айда екпенің қос компонентін түгел алмаса жұмыстан қуылады.
Бүгінге дейін елдегі ақ халаттылардың 95 пайызы екпенің бірінші дозасын, ал 91 пайызы екіншісін салдырды. Міндетті вакцинациядан бас тартқандар мен науқанды кейінге қалдыруды сұрап отырғандар да бар. Олар қызметтерінен босатылады немесе науқастармен жұмыс істемейтін бөлімдерге ауыстыралады. Ұлттық денсаулық сақтау қызметіндегілер, дәрігерлер мен медбикелер науқастарға ковид жұқтырып, ауруды асқындырмауы үшін вакцина салдыруға міндетті деп есептейді.
Клайв Кей, Корольдік колледж ауруханасының атқарушы директоры:
Аурухананың басшысы ретіндегі менің міндетім, әлбетте, қызметкерлерді вакцина салдыруға ынталандыру. Мен және менің әріптестерім науқан басталғалы бері барлығының екпе алуына ықпал етіп жатырмыз.
Марина Бекенова
