Шетелден келген жолаушыларға жаңа шектеу енгізілді

Енді шетелден келген жолаушыларға мерзімі 72 сағаттан аспайтын ПТР тестілеудің теріс нәтижесі бар анықтаманың болуы міндеттелмек. Анықтама болмаған жағдайда карантиндік стационарға жатқызылады. Бұл жайында еліміздің бас санитар дәрігерінің 2021 жылғы 2 қыркүйектегі жарлығына енген өзгертуде жазылған. Мұндай шешім елдегі эпидемиологиялық ахуалдың нашарлауына байланысты қабылданған.