Жамбыл облысында 52 күдіктінің үстінен іс қозғалды

Нұрдос Сембек, тілші:

Жаппай тәртіпсіздік салдарынан 7 ғимаратқа, 4 кәсіпкерлік нысанға зақым келіп, 149 қызметтік көліктің бүлінгенін айтқанбыз. Бүгінде зақымданған ғимараттарды қайта қалпына келтіру жұмыстары қырқынды жүргізілуде. Оған дәлел менің артымда тұрған облыс әкімдігінің жаңаша кейіпке енген ғимаратын көруге болады. Ал, соңғы мәлімет бойынша бүлікке қатысқан 2658 күдікті ұсталып, оның 52-нің үстінен қылмыстық іс қозғалды. Олардан тәркіленген қару-жарақ саны 200-ге жуықтады. Әзірге аймақта білім ошақтары онлайн форматта оқуда. Облыс бойынша кіріс-шығыс қақпаларда блокбекеттер әлі жұмыстарын жалғастыруда. Өңірде қоғамдық тәртіпті бақылауға 2024 құқық қорғаушы жұмылдырылған. Күштік құрылым қаскөйлерді жедел іздестіру шараларын жалғастырып жатыр. Ерікті жастар да қоғамдық жұмыстарға атсалысып, қолдау көрсетуде.