Қазақстандық компаниялардың акциясы қайта өсті

Өткен аптада бірден арзандап кеткен бірқатар қазақстандық компанияның акциясы қайта қалпына келіп жатыр. Сарапшылар мұны елдегі қақтығыстың салдары дейді. Тәртіпсіздіктен соң «Kaspi» банктің акциялары 22%-ға, «Халық банкінің» акциясы 15, «ҚазАтомПромның» акциясы 13%-ға түскен еді.

 Қазір елдегі жағдай біртіндеп тұрақталып келеді. Бұл инвесторлардың да сенімін арттыруда. Сонымен бірге Қазақстан қор биржасы жұмысын жалғастырып жатыр. Бүгіннен бастап қаржы нарығында сауда-саттық өткізіледі.