Қасым-Жомарт Тоқаев: Демонстранттар жауапкершілік танытып, диалогқа дайын болуға тиіс

Мемлекет басшысы үкіметтік комиссия Жаңаөзендегі оқиға бойынша жұмысқа кіріскені туралы Twitter желісіндегі парақшасында хабарлады.

«Құрамында Президент Әкімшілігінің қызметкерлері бар үкіметтік комиссия Ақтауда жұмысқа кірісті. Республикалық оперативтік штаб тұрақты негізде жұмыс істеп жатыр. Комиссияға еліміздегі тұрақтылықты сақтай отырып, туындаған мәселе бойынша өзара тиімді шешім шығару жүктелді. Құқық қорғау органдарына қоғамдық тәртіптің бұзылуына жол бермеу жөнінде тапсырма берілді. Демонстранттар жауапкершілік танытып, диалогқа дайын болуға тиіс» ,- делінген хабарламада.