Атырауда хакім Абайдың еңселі ескерткіші ашылды

Атырауда қазақтың бас ақыны Абайға арналып ескерткіш ашылды. Құны 145 млн теңге тұратын мүсін қоладан құйылған. Биіктігі тұғырымен есептегенде 11 метр. Сәулет туындысының авторы - мүсінші Асқар Нартов. Еңселі ескерткіш қаладағы Абай орталығының алдына орнатылды. Ашылу салтанатына облыс әкімі мен өңірдің зиялы қауым өкілдері және тұрғындар қатысты.

Құралай Құмарова, қалалық мәдениет, тілдерді дамыту, дене шынықтыру және спорт бөлімі басшысының орынбасары:

Бұл ескерткіш 2018 жылы ескерткіштерді қорғау жөніндегі комиссияның шешімімен таңдалған болатын. Екі ескерткіш жобасының ішінен біреуі таңдалып, Асқар Нартов мүсіншісінің ескерткіші таңдалды.