Тұрғындар зейнетақы қорындағы 115 млрд 800 млн теңгені стоматологиялық қызметке пайдаланды

Тұрғындар зейнетақы қорындағы 115 млрд 800 млн теңгені стоматологиялық қызметке пайдаланды. Тісін емдету үшін 125 мыңнан аса адам жинағының бір бөлігін алуға өтініш берген. Сонымен бірге офтальмологиялық қызмет үшін 5800-ден аса салымшыға 3 млрд теңгеге жуық ақша берілді. Жалпы халық емделу үшін бірыңғай жинақтаушы зейнетақы қорынан 121 млрд 800 млн теңге алды. Алайда 13 млрд теңгеден аса ақша «Отбасы банкінен» кері қайтарылған. Берілген уақытта қаржыны пайдаланбағаны үшін және өтініш берушінің қалауымен ақша зейнетақы қорына қайтарылған.