Жаңалықтарды Telegram арнамыздан оқыңыз!Елімізде эпидемиологиялық жағдай тұрақты болғанымен, босаңсуға болмайды. Өйткені әлемде Омикрон штамы жылдам тарауда. Сол себепті ревакцинацияны күшейту керек. Бұл туралы Үкіметте Денсаулық сақтау министрінің міндетін атқарушы Жандос Бүркітбаев мәлімдеді. Еліміздегі эпидемиологиялық жағдай тұрақты болғанымен, әлемдегі ахуал алаңдатарлық. Соңғы екі аптада Еуропаның 18 елінде қауіпті індетті жұқтырғандар саны айтарлықтай артқан. Оның үстіне Омикрон штамы тез тарап жатыр. Сондықтан үкімет отырысында елімізде екпе салу, ревацинация жасау жұмысын күшейту қажеттілігі айтылды.
Асқар Мамин, ҚР Премьер-Министрі:
Қазіргі уақытта 9 миллионнан астам адам бірінші компонентті салдырды. Бұл - 18 жастан асқан тұрғындардың 80 пайызына жуығы. Шамамен 8,5 миллион адам екінші компонентті салдырды. Бұл - 75 пайызы. Жаппай ревакциналау бойынша жұмысты күшейту керек. Келесі жылдың бірінші жартыжылдығында шамамен 9 миллион адам ревакциналаудан өтуі керек.
