Qostanai tech ғылыми-инновациялық фестивалі өтеді

Ертең Qostanai tech отбасылық ғылыми-инновациялық фестивалі өтеді. Ауқымды шарада ірі ІТ компаниялар мен өндіріс орындарының көшбасшылары, шетелдік және отандық сарапшы ғалымдар бас қосып, түрлі саладағы жасанды интелектінің әлеуетін талқылайды. Оның ішінде ғылым  мен білім, өндірісте озық технологияның тиімді тетіктері мен Қазақстанның сандық болашағы жайлы айтылмақ. Сондай-ақ келушілер үшін ЖИ зертхана, ғылыми тәжірибе алаңдары мен түрлі болашақ технология модельдерін тамашалауға болатын интерактивті аймақ ұйымдастырылады.

Ардақ Бегатаров, облыстық Білім басқармасы басшысының орынбасары:

Өңіріміздің техникалық әлеуетін, инновациялардың іске асырылып жатқанын, сонымен қатар білім мен ғылымда қандай инновациялар жүзеге асып жатыр, соны көрсетуды жоспарлап отырмыз. ЖИ-дің қандай потенциалы бар, осы тұрғыда дискуссиялар болады.