Атырауда сотталған дәрігерлер рақымшылыққа ілікті

Атырауда 3 жыл бұрын смартфон қақпағының магнитін жұтып қойған сәбидің өліміне қатысты сот үкім кескен дәрігерлер рақымшылыққа ілікті. Сотта тиісті медициналық көмектің көрсетілмеуі салдарынан баланың қайтыс болғаны белгілі болды.

Кінәлілер операция жасаудың орнына магниттің ағзадан табиғи жолмен шығатынын айтқан. Қызметіне салғырт қараған 4 дәрігердің әрқайсысына 2 жыл 6 ай мерзімге бас бостандығынан айыру жазасы тағайындалды.

Бірақ сотталушылардың бәрі Тәуелсіздіктің 30 жылдығына байланысты рақымшылыққа ілігіп, жазадан босатылды.