Жаңалықтарды Telegram арнамыздан оқыңыз!Дүниежүзілік мұралар тізіміне бірқатар өзгеріс енгізіледі. Олардың қатарына енді Сауран, Сығанақ, Отырар сияқты көне қалалары қосылады. Еліміздің Мәдениет және спорт министрі Ақтоты Райымқұлованың айтуынша,аталған жерлер ЮНЕСКО талабына сай мақұлданған. Енді бұл шаһарларға көптеп турист тарту үшін жан-жақты жағдай жасалмақ. Әлемнің түкпір-түкпірінен келетін саяхатшылар Түркістан облысының киелі жерлерімен танысады. Тарихы мен туризмі қатар дамып, әлем жұртшылығына кеңінен насихатталмақ. Ол үшін бірқатар құжаттар әзірленуде.
Ақтоты Райымқұлова, ҚР Мәдениет және спорт министрі:
Қазіргі уақытта Өзбекстан, Қырғызстан және Тәжікстан елдерімен бірлесіп, Қазақстанның бірегей тарихи және мәдени ескерткіштерін дүниежүзілік мұралар тізіміне енгізу үшін «Ұлы Жібек жолы-Ферғана-Сырдария дәлізі» атты трансұлттық номинациясын ілгерілету бойынша номинациялық құжаттаманы дайындау жұмыстары жүріп жатыр.
