Келесі жылдан бастап мал дәрігерлерінің жалақысы өседі

Келер жылдан бастап мал дәрігерлерінің еңбекақысын 60 пайызға дейін өсіру жоспарланып отыр. Бұл туралы Ауыл шаруашылығы министрі Ербол Қарашөкеев мәлімдеді. Тағы бір жаңашылдық - ветеринарлар қаңғыбас иттер мен мысықтарды ұстау сынды өздеріне тиеслі емес жұмыстардан босатылады. Оның орнына ветеринариялық заңнаманы бұзушыларды жауапкершілікке тарту бойынша қосымша міндеттермен айналысады.

Ербол Қарашөкеев, ҚР Ауыл шаруашылығы министрі:

Келесі жылдан бастап практикалық ветеринарлық дәрігерлердің жалақасы орта есеппен 50-60 пайызға өседі деп күтіп отырмыз. 17 өңірдің ішінен 3-4 өңір ендігі жылдың басында бюджетті қайта қарау процесі басталған кезде жалақыны көтеру мәселесін қайта қарайтын болады.