Жаңалықтарды Telegram арнамыздан оқыңыз!Жеке көлігі арнайы техниканың өтуіне кедергі келтірген азаматтар айыппұл арқалады. Шығыс Қазақстанда мыңға жуық адам осы үшін әкімшілік жауапкершілікке тартылды. Яғни темір тұлпарын тұрғын үйге кіреберіс жол мен аулаларға қойып, тұрақ қағидаларын бұзғандарға 10 айлық есептік көрсеткіш мөлшерінде айыппұл салынған.
Үйдің ауласын автотұраққа айналдырып алған жүргізушілерге қатысты өрт сөндірушілер, жедел жәрдем, су арнасы және құтқарушылар жиі шағымданады. Сондықтан Төтенше жағдайлар департаменті полициямен бірлесіп, рейд жүргізуге мәжбүр. Профилактикалық іс-шара барысында автокөлігін рұқсат етілмеген орынға қойып, жолды жауып тастаған азаматтар жауапқа тартылады.
