«Азаматтарға арналған Үкімет» Алматы бойынша бөлімшесіндегі кезекке қатысты түсініктеме берді

Алматылықтар мамандандырылған Халыққа қызмет көрсету орталығындағы ұзын-сонар кезекке шағымданды. Жетісу ауданындағы №6 орталыққа кіру үшін 90-ға жуық адам жиналған. Олар көлік жүргізу емтиханын тапсыруға келгенін айтады. Кейбірі таңғы 07:00-де келсе де, алдында ондаған адам кезекке тұрып қойған. Ал сағат 09:00-ге қарай жиналғандар тіпті көбейе түсті.

«Азаматтарға арналған Үкімет» мемлекеттік корпорациясының Алматы бойынша бөлімшесі жағдайға түсініктеме берді. №1 мамандандырылған Халыққа қызмет көрсету орталығында жөндеу жұмыстары жүріп жатыр.

Қалада көлік жүргізу емтиханын тапсыратын 1 ғана орталық қалған. Сол себепті осындай кезек қалыптасты. Бұл уақытша ғана, жаңа орталық жыл соңына дейін ашылса, кезек сейіледі дейді мамандар.