Жаңалықтарды Telegram арнамыздан оқыңыз!Коронавирустың «омикрон» штамы «дельтадан» жеңілдеу тәрізді. Мұндай қорытындыны Ұлыбританияда екі ғылыми мекеме жасап отыр.
Жаңа түрді Лондон империалық колледжі зерттеді. Оның дерегінше, «дельтаны» жұқтырғандармен салыстырғанда, «омикронға» шалдыққандар госпитальге 20 пайызға аз шағымданады және олардың түнде ауруханаға түсу оқиғалары 40 пайызға төмен болып отыр. Сонымен қатар, Шотландияның Эдинбург университеті де «омикрон» жұқтырғандардың госпитальге жату қаупінің әлдеқайда төмен екенін анықтап берді.
Дегенмен бұл нәтижелерге басқа сарапшылар әзірге өз бағасын бермеген.
