Kostanay music fest фестивалі өтті

Қостанайда дәстүрлі музыкалық фестивальдің бес жылдығы аталып өтті. Думанды кеште елімізге танымал әншілер өнер көрсетіп, көпшілікке көтеріңкі көңіл күй сыйлады. Орталық стадионға 18 мыңға жуық көрермен жиналды. Жастар бас қосқан шарада облыстық Полиция департаментінің қызметкерлері «Есірткіге жол жоқ» акциясын өткізіп, өскелең ұрпақты зиянды әдеттерден аулақ болуға, саламатты өмір салтын ұстануға шақырды. Сүйікті әншілерінің өнерін тамашалау үшін фестивальге еліміздің өзге өңірлерінен де тыңдармандар арнайы келген.

Біз Петропавл қаласынан осы концертке келіп тұрмыз, көңіл күй жақсы. Ағайындылар боп келдік, осы концертті көру үшін, жақсы әншілер келіп тұр екен. Бұл концерттен біз жақсы эмоция күтеміз, көңіл күйді көтеріп, жақсы естеліктер қалдыруға келдік.