Елордада карантин талаптары жеңілдетіледі

Коронавирусқа шалдыққандардың саны ептеп артқан. Өткен тәулікте қауіпті індет 416 адамнан анықталды. Бұған дейін 369 науқас тіркелген еді.

Ал Елордада бүгіннен бастап карантин талаптары жеңілдетіледі. Өйткені шаһар 15 желтоқсанда «жасыл» аймаққа өткен. Десе де «ойын-сауық орталықтарына «ASHYQ» қосымшасында «жасыл» мәртебесі бар тұрғындар ғана кіруі тиіс» деген талап өзгеріссіз қалмақ.

Дәмхана, мейрамханаларға, театр, кинотеатрлар мен концерт залдарына орындардың 50 пайызын толтыруға рұқсат етілді. Қазір өңірлердің басым бөлігі «жасыл» аймақта. «Сары» деңгейде тек Павлодар мен Солтүстік Қазақстан облыстары қалған.