Қаржы министрлігі мемлекеттік қызметтің 92 пайызын электронды түрде көрсетеді

Негізгі қызмет түрлері салық пен кеден саласын қамтиды. Бұл туралы ведомство басшысы Ерлан Жамаубаев саланы цифрландыруға арналған Үкімет сағатында мәлемдеді. Осылайша, мемлекеттік қызмет көрсетудің мерзімі қысқарды. Кәсіпкерлердің уақыты мен шығындарын үнемдеуге мүмкіндік туды. Бастысы – жемқорлық азайып келеді. Сонымен қатар, 2024 жылдың соңына дейін шекарада 10 өткізу пунктін қайта жаңғырту жұмыстары жүргізіледі. Олардың барлығы заманауи стандарттарға сай жұмыс істейтін болады, деді министр.