Биыл елімізде 1,5 мыңнан астам жемқорлық қылмысы тіркелді

Биыл елімізде 1,5 мыңнан астам жемқорлық дерегі тіркелді. Сыбайлас жемқорлыққа қарсы іс-қимыл агенттігінің төрағасы Марат Ахметжановтың сөзінше, қылмыстың басым бөлігі ауыл шаруашылығы, білім, коммуналдық шаруашылық, әлеуметтік қамтамасыз ету және денсаулық сақтау салаларында кездесіп отыр. Қылмысы әшкере болған 1280 адамның ішінде бір вице-министр, 13 әкім мен орынбасарлары, 4 судья және 28 басқарма басшысы бар. Бюджетке келтірілген 20 млрд теңгеден астам шығын өтелді.