Елімізде жол саласында білікті мамандар тапшы

Жол саласында білікті мамандар тапшы. Жобалау мен салу, күтіп-ұстау, қауіпсіздік бағытындағы тапшылық автокөлік жолдарының сапасына тікелей әсер етеді. Бұл туралы Жол активтерінің Ұлттық сапа орталығы өкілдері мәлімдеді. Сондықтан бұл мамандыққа жастардың қызығушылығын арттыру маңызды.

Осы мақсатта мекеме басшылығы 600-ден астам мектеп оқушыларымен онлайн кездесу өткізді. Шараға 14 облыс пен 3 қала қатысты. 9-11 сынып оқушыларына жол саласы мамандықтарының беделі мен қыр-сыры туралы кеңінен айтылды.

Замир Сағынов, Жол активтерінің ұлттық сапа орталығының бас директоры:

 «ҚазАвтоЖол» деген ұлттық кәсіпорын бар. Сол кәсіпорынның мәліметінше, жол саласына құрылыс кезінде 10 мыңға тарта адам жетіспейді. Мұғалімдерге де осы мәселені көтеріп жүрміз. Бала кімді тыңдай? Мұғалімді тыңдайды. Мұғалім бағыт-бағдар беретін болса, біздің салаға келе бастайды деп ойлаймыз.