Жаңалықтарды Telegram арнамыздан оқыңыз!Атырау облысындағы Ақкөл ауылында салынып жатқан жолдың сапасына тұрғындар наразы. Әлеуметтік желіде тараған бейнежазбада топырақтың үстіне асфальт төселіп жатқаны көрінеді.
Жол құрылысы 2019 жылы басталған. Алайда уақытылы ақша бөлінбеуінің салдарынан бір жыл тоқтап тұрды. Жобада бекітілген 8 км жаяу жүргіншілер жолының қазір 3 шақырымы төселген. Құрманғазы аудандық әкімдігі жолдың сапасында мін жоқ деп отыр. 15 см құм, қиыршық тас қоспасы мен 4 см асфальт салынған. Мердігердің де жауабы осыған саяды. Жергілікті тұрғындар мұнымен келіспейді.
