Алматыдағы «Отбасы банк» бөлімшелерінде ұзын-сонар кезек пайда болды

Алматыдағы «Отбасы банк» бөлімшелерінде ұзын-сонар кезек пайда болды. Банк қызметкерлері мұны зейнетақы қорындағы шекті сомадан артылған қаржысын алуға келгендердің көбейгенімен түсіндіреді. Келушілердің сөзінше, кезекке талон беретін автоматтың алдынан бастап адам көп. Кейбіреуі менеджерге жолығу үшін 2-3 сағат күткен.

Келер жылы шекті сома екі есеге дейін өседі дегенді естігендер зейнетақы қорындағы артылған сомасын алуға келген. Банк қызметкерлері бөлімшелерге келмей-ақ, мобильді қосымша арқылы тапсырыс беруге болатынын айтады. Сонда адам саны азаяр еді дейді.