Биыл 160-қа жуық басшы пара алып, ақша жымқырамын деп істі болған

Биыл 160-қа жуық басшы пара алып, ақша жымқырамын деп істі болды. Бүгін Сыбайлас жемқорлыққа қарсы іс-қимыл агенттігінің төрағасы Мемлекет басшысына осындай есеп берді. Ведомство басшысының айтуынша, биыл жемқорлыққа қатысты мың жарымға жуық қылмыстық іс тіркелген. 1280 азамат, оның ішінде республикалық және облыстық деңгейдегі 159 басшы жемқорлық қылмыс бойынша жауапқа тартылған. Талан-таражға түскен 20 миллиардтан астам теңге бюджетке қайтарылды.

Сондай-ақ Президентке 2022-2026 жылдарға арналған Сыбайлас жемқорлыққа қарсы саясат тұжырымдамасын әзірлеу туралы тапсырмасының орындалу барысы жөнінде есеп берілді.

Досжан Маратұлы