Қазақстан мен Түркия діни бағыттағы ынтымақты одан әрі арттырмақ

Қазақстан мен Түркия діни бағыттағы ынтымақты одан әрі тереңдетіп, бұрын да тығыз қарым-қатынасты жандандыра түспек. Анкарада Қазақстан мұсылмандары діни басқармасының төрағасы, Бас мүфти Наурызбай қажы Тағанұлы мен Түркия Дін істері басқармасының басшысы Әли Ербаш өзара ынтымақтастық туралы меморандумға қол қойды. Құжатқа сай екі елге ортақ діни мектепті жаңғырту, тәжірибе алмасу және ғылыми жобаларды жүзеге асыру сынды сүбелі істер қолға алынбақ.

Бұдан бөлек Бас муфти Наурызбай қажы Тағанұлы Түркі тілдес елдер дін басшыларының алқасын құруды ұсынды. Бұл бастаманы түркиялық әріптесі Әли Ербаш та қызу қолдайтынын білдірді.

Наурызбай қажы Тағанұлы, Қазақстан мұсылмандары діни басқармасының төрағасы, бас мүфти:
Түркітілдес елдердің алқасын құрып, алғашқы отырысын Түркістан қаласында өткізсек деген ниет білдіргіміз келеді. Және Қазақстан мұсылмандары діни басқармасы жанындағы Ғұламалар кеңесі мен Түркиядағы ғұламалар кеңесінің тәжірибе алмасу мақсатында Түркияда ғұламалар кеңесінің жиынын ұйымдастырсақ деп отырмыз.

Айдос Әшімұлы