Ақтөбе облысында этнофестиваль өтті

Ақтөбе облысында этнофестиваль өтті. Қандыағаш қаласында ұйымдастырылған шараға аймақтағы ұлттық мұраны жаңғыртып жүрген шеберлер жиналды.

Көрме алаңы азпаздар мен қолөнер шеберлерінің өнімдеріне толды. Әсіресе, ғасыр бұрын қолданылған тұрмыстық заттар мен ат әбзелдері келушілердің ерекше назарын аударды. Этнофестиваль соңында шеберлер мен жыл бойы ала таңнан қара кешке дейін қажырлы еңбек еткен 20-ға жуық шаруа озаты марапатталды. Ұйымдастырушылар алдағы жылдың наурызына дейін 12 ауданды түгел аралап, шеберлердің жұмысын жаңғыртып, ел назарына ұсынуды көздеп отыр. Ендігі сапар Хромтау мен Ырғыз ауданында жалғаспақ.

Венера Ережепова, Облыстық іскер әйелдер қауымдастығы төрағасының орынбасары:

Әр ауданның өзіне сай ерекшелігі бар. Мәселен, Алға ауданындағы этнофестивальда көбіне қойетінен жасалған тағамдар болса, Мәртөк ауданында әр түрлі ұлт жиналғаны үшін ол жерде әр түрлі халықтың тағамдары көрсетілді. Бүгін Мұғалжар ауданында жылқы етінен жасалған тағамдар жасалып жатыр.

Жақсыбек Кемал