Инвестиция тарту нәтижелері сараланды

Қазақстанға ең көп инвестиция құятын мемлекеттердің бірі - Нидерланды елі. Бүкіл әлем көмір сутегінен бас тартып, баламалы қуат көздеріне көшкен тұста бізге де «жасыл» энергетиканы пайдалану жобаларына қажеттілік артқаны белгілі. Отандық экономиканың ілгерілеуіне Нидерландымен қатар АҚШ, Швейцария, Ресей мен Ұлыбритания да инвестиция құюға мүдделі.

Декарбонизация жобасын іске асырумен қоса жергілікті тау-кен өндіру мен өңдеу өнеркәсібіне үлкен үміт артылып отыр. Дегенмен шетел инвесторларын көптеп тартуға кеден және салықтық нормалар, әлсіз инфрақұрылым мен визалық мәселелер кедергі келтіріп отыр.

Ерлан Зейнешов, ҚР Сыртқы істер министрлігінің өкілі:
Бұл бағыт бойынша біз жүйелі түрде жұмыс жасап жатырмыз. Инвестициялық ахуалды жақсартуға бар күшімізді салудамыз. Бізде шетелдік инвесторлардың мәселелерін шешетін инвестициялық штаб құрылған. Барлық сұрақ сол жерге жіберіледі. Омбудсменіміз де бар. Шетелдік инвесторларды ұстап отыруға мемлекет тарапын қолдау бар.