Жыл басынан бері мал ұрлығымен айналысқан 112 қылмыстық топ ұсталды

Жыл басынан бері мал ұрлығымен айналысқан 112 қылмыстық топ құрықталды. Ұрланған 7 мыңдай бас малдың 4 мыңға жуығы иелеріне қайтарылды. Бұл туралы Ішкі істер министрлігінің ресми өкілі хабарлады.

Мәселен, Павлодар облысында құрамында 15 адам бар қылмыстық топ шаруа қожалықтарынан ірі қара малды ұрлап, етін Екібастұздың базарында сатқан.

Сондай-ақ Ақмола облысында жайылымда жүрген малды атып алып, елорда базарларына етін өткізбек болған топ ұсталды. Жалпы, кешенді шаралар нәтижесінде соңғы 5 жылда елімізде мал ұрлығының саны 38,5 пайызға төмендеп отыр.

Нұрділда Ораз, ҚР ІІМ ресми өкілі:
Қылмыстық кодекске мал ұрлығы жеке бап болып енгізілді. Жауапкершілік қатаңдатылды. Қылмысы дәлелденсе, мүлкі тәркіленіп, 12 жылға дейін бас бостандығынан айыру жазасы көзделген.

Дарын Сағитов