Жаңалықтарды Telegram арнамыздан оқыңыз!Еуропа мен Азияның бір бөлігінде наурызға дейін коронавирус құрбандарының саны 2,2 миллионға жетуі мүмкін.
Мұны Дүниежүзілік денсаулық сақтау ұйымы ескертіп отыр. Қайтыс болғандар қатары қазіргі қарқынмен өсетін болса, аймақтарда ковидтен өлгендер саны бес айдан соң тағы 700 мыңға артады.
Коронавирустың тарауынан былтырғы наурызда «пандемия» жарияланды. Содан бері Еуропа мен Орталық Азияның 53 елінде 1 жарым миллиондай адам індеттен көз жұмды. Ковидпен байланысты өлім-жітімнің көбеюіне «дельта» вариантының өршуі, карантиндік шектеулердің алынып тасталуы, вакциналау науқанының жеткілікті жүргізілмеуі себеп болды.
Арыстан Рысбек
