Украина әуе-десанттық күштері ауқымды әскери жаттығу өткізді

Украина әуе-десанттық күштері Ресеймен арадағы шиеленіс өршіген шақта ауқымды әскери жаттығу өткізді. Өткен аптада осындай маневрлар Қырым маңында да ұйымдастырылған еді.

Ел барлаушыларының дерегінше, Ресей Украина айналасына 92 мыңдай жауынгер шоғырландырған. Және де сол қарулы күштер шабуылға қаңтарда немесе ақпанда кірісуі мүмкін. Алайда Мәскеу мұны жоққа шығарып, Киевтің Батыстан көп қару алып, армиясын күшейтіп жатқанына алаңдайтынын мәлімдеп отыр.