Жаңалықтарды Telegram арнамыздан оқыңыз!Елордада Тәуелсіздіктің 30 жылдық мерейтойына арналған республикалық конференция басталды. Жиынға әлеуметтік саланың мамандары шақырылды. Олардың арасында спорт және мәдениет, өнер саласының мамандары, кәсіпкерлер және дарынды жастар бар. Сондай-ақ, тәуелсіз еліміздің қалыптасуы мен дамуына баға жетпес үлес қосқан қоғам қайреткерлері де бар. Олар мемлекет басшысының «Тәуелсіздік бәрінен қымбат» мақаласын талдап, өскелең ұрпақты отансүйгіш қасиетке баулу жайын сөз етті. Ал тәуелсіздік жылдарында еліміздің дамуына еңбегін сіңірген азаматтар Қазақстанның қол жеткізген бар игілігі ел бірлігінің нәтижесі дейді.
Әзірет Сатылғанов, «Білім өркениеті» ұлттық инновациялық ғылыми-зерттеу орталығының директоры:
Алып жеріміздің сақталуының негізінде бабаларымыздың жанқиярлық еңбегі жатыр. Сондықтан да «Тәуелсіздік бәрінен қымбат» атты мақаласында Президентіміз Алаш зиялыларының ерен еңбектері арқылы жастарымызды тәрбиелеуге шақырып жатыр.
