Қарағанды облысында қар жауып, соңы бұрқасынға ұласты

Өңірдің кей аумақтарында секундына 30 метрге дейінгі күшті жел соғып тұр. Жолдарда көктайғақ. Қазір облыс аумағында «Қарағанды-Балқаш», «Ақсу-Аюлы-Ақтоғай» және «Қарағанды-Аягөз-Бұғаз» тас жолдарында барлық көлік түрлері үшін жол жабық. Алматы облысында да ауа райының күрт бұзылуына байланысты жол қозғалысына шектеу енгізілді. Өңірдегі «Сарыөзек-Көктал» және «Алтынемел» асуы бағытындағы трассада да шектеу қойылған.