Жаңалықтарды Telegram арнамыздан оқыңыз!Ирандықтар ұлттық валютаны долларға жанталаса айырбастап жатыр. Өйткені риал өткен аптада 3 пайызға жуық, ал жарты жылда 31,5 пайызға әлсіреген. Ислам Республикасы ақшасының құнсыздануына ел экономикасының АҚШ-тың санкцияларынан зардап шегуі себеп.
Доллармен бірге тауарлар да қымбаттап жатыр. Сондықтан бұлай жалғаса беретін болса, талай адамның саудасы тоқтауы мүмкін деген болжам айтылып отыр.
Айта кетсек, әлем державалары мен Иран арасындағы ядролық келісімді қалпына келтіру жөніндегі келіссөздер қарашаның 29-да қайта басталады. Алайда жергілікті тұрғындардың кейбірі ол кездесудің сәтті аяқталатынына аса сенбейді.
Арыстан Рысбек
