Кабулде жарылыс құрбандарының саны 25-ке жетті

Кабулде госпитальде болған жарылыс құрбандарының саны 25-ке жетті. 50-ден астам адам жараланған. Жарылғыш зат іске қосылған соң атыс басталған. Тәліптер шабуылшылардың төртеуін өлтіріп, біреуін қолға түсірді. Әзірге қастандықты ешкім мойнына алған жоқ. Бірақ куәгерлердің сөзінше, «ДАИШ» тобының мүшелері қала орталығындағы Сардар Мохаммад Дауд Хан госпиталіне басып кіріп, қауіпсіздік күштерімен қақтығысқан.

Тәліптер билікке келгелі Кабул әуежайы мен мешіттерде жойқын жарылыстар ұйымдастырып, жүздеген адамды мерт қылды. Кей бақылаушылардың ойынша, бұл шабуылдар «Талибанның» Ауғанстанда қауіпсіздікті қалпына келтіру әрекеттеріне кедергі болу үшін жасалып жатыр. 

Арыстан Рысбек