Ер адам тапа-тал түсте кішкентай баланы соққыға жыққан

Таразда тапа-тал түсте ер адам балаға жұдырық ала жүгірді. Оқиға көше бойында орналасқан бейнебақылау камераларының біріне түсіп қалған. Желіде тараған жазбада көрініп тұрғандай, ер адам «самокат» теуіп бара жатқан балаға әдейі жақындап, қасақана соққы жасайды.

Жерге құлаған баланы тіпті тепкілеуге ұмтылады. Алайда оқиға куәгері баланы арашалап үлгерді. Қазір бұл бейнежазба Жамбыл облыстық Полиция департаментінде тексеріліп жатыр.