Бейжіңде қысқы Олимпиадаға дайындық аяқталып қалды

Бейжіңде Қысқы ойындарға дайындық соңғы кезеңіне жетті. Ақ Олимпиада 2022 жылы ақпанның 4-де басталып, 20-да аяқталуы керек. Осылайша Қытай астанасы әлемде Жазғы және Қысқы Олимпиаданы қабылдаған бірінші қалаға айналайын деп отыр.

Халықаралық Олимпиада Комитетінің мәлімдеуінше, жергілікті және шетелдік қатысушылар мен стадион қызметкерлері турнирлер кезінде 16 күн қатарынан коронавирусқа қарсы тесттен өтеді. Ал вакциналанбаған спортшылар Ойын қарсаңында 21 күн бойы карантинге алынады.

Екпе салдырғандар болса, «жабық басқару жүйесіне» еніп, стадиондар мен ойын зоналарында емін-еркін жүріп, Олимпиаданың ашылу-жабылу салтанаттарына қатыса алады.

Арыстан Рысбек